PBG vakillari «Energetika va transport infratuzilmasi» yo‘nalishi doirasida xalqaro kompaniyalar va davlat tuzilmalari bilan bir qator B2B va B2G muzokaralarini o‘tkazdi.
2026-yil 19-oktabr kuni Samarqandda Markaziy Osiyo davlatlari va AQShning «C5+1» formatidagi vazirlar uchrashuvi bo‘lib o‘tdi. Yetakchi mahalliy EPCC-kompaniyasi Probuild Generation (PBG) biznes delegatsiyasi tarkibiga kirdi va uchrashuvning biznes dasturida ishtirok etdi.
Biznes dasturi O‘zbekiston Respublikasi Investitsiyalar, sanoat va savdo vazirligi hamda Amerika-O‘zbekiston savdo palatasi tomonidan tashkil etildi. Unda 400 dan ortiq kompaniya, jumladan 100 dan ziyod Amerika kompaniyasi vakillari ishtirok etdi. Ish raqamli texnologiyalar va tog‘-kon sanoatidan tortib moliya va investitsiyalargacha bo‘lgan oltita yo‘nalish bo‘yicha olib borildi.
Uchrashuvdagi ishtirok PBGning xalqaro investorlar uchun ishonchli EPCC-hamkor bo‘lishga, ilg‘or muhandislik yechimlarini joriy etishga va mintaqaning iqtisodiy salohiyatini mustahkamlashga tayyorligini ko‘rsatadi.
Probuild Generation matbuot xizmati
